[رجـم بـذال]

السلام عليكم ورحمة الله وبركاته




صلو على النبي

لوتدري بشوقي وش اقصى حـدوده=تصاغرت في عينك حدود الافـلاك
ولوتدري بكوني وش اللـي يسـوده=ما شفت غيرك حاكـمٍ فيـه ويّـاك
ولوتدري بجمر الغـلا وش وقـوده=ماكـان تبعـد عـن وليـفٍ تمنّـاك
ماتدري ان جرح المحانـي يـزوده=بعدك وبسماة الولـه فـي محيـاك
في غيبتك كلش بـدا فـي وجـوده=مثل العـدم الا شعـوري وطريـاك
لوقللـوا رمـل الثـرا فـي نفـوده=ماقل حبـي لـك ولا حـب لامـاك
ما غاب طيفك عـن فـوادٍ يـروده=ذكراك .. يا لبـا معاليـق ذكـراك
جيتك ودمع الشوق عانـق خـدوده=من لاهب الفرقا وعجزي عن رضاك
عسفت لك مهر القوافـي الشـروده=لين القوافي طاوعت لـي وجينـاك
يافاتـنٍ صـدّ وذبحنـي صــدوده=لا تذبح اللـي بـدّت النـاس بـداك
اضماك والصبح الندي ويش جـوده=عند السحاب اللـي تسوقـه ثنايـاك
ايـوالله اضمـا والعـواذل حسـوده=يقطع رجاهم ويش انا دون حسنـاك
وانت الذي كل ما شكيته .. شهـوده=عقلي . وقلبي . والجـوارح تفـداك
تبغـى الحقيقـه ودّنـا مـا يكـوده=غير الفـراق اللـي لقيتـه بدنيـاك

لمشبب العاصمي