بسم الله الرحمن الرحيم
هذي مختارة من قصايد ابن قضعان واتمنى ان تنال لأعجابكم :
يا لله ياللـي اليـا ضاقـت تفرجهـا
يا فارج الهـم والضيقـات والكربـه
يامخرج العبد لا ضاقـت مخارجهـا
عن موقفٍ يطحن السربه ورا السربه
افرج لمن كايـد الطرقـات ينهجهـا
لو ماش بكره ولا مزهـب ولا قربـه
بمرك يهوم الدروب ايليـن يسهجهـا
ولولا الرجابك قصر ممشاه عن دربه
ثم الرجا فـي رجـالٍ مـا يخالجهـا
في نفوسها شك والطيب تفاخـر بـه
شرواك ياللي اليـا صكـت نعرجهـا
صوبك شمال الشموخ وشرقه وغربه
ننصـاك نرثعبـهـا ولا ندرجـهـا
ومن شاف وجهك نسى الهم وتباشر به
يامن تسر النظـر والنفـس تبهجهـا
أنا أشهد ان العيون لشوفتـك طربـه
لو حدها عنك شـيءٍ قـام يحرجهـا
من علةٍ جات والاوضاع مضطربـه
والعله اللـي نحولـي مـن نتايجهـا
ليـه أتعبـر بهـا يالهرجـه الذربـه
لا صار صبري عليها مـا يعالجهـا
ماعاد لي عـذر وش عـاد أتعذربـه
هب الهوى والسفينـة قـام يدرجهـا
موج يهول العقل في جمبهـا ضربـه
امـا نطحهـا الهـوى ولا تولجـهـا
ولا كل من غربوا عادوا من الغربـه
البحـر غـدار وامواجـه تموجـهـا
يخفي المنايا وصوت الموت يجهربـه
الاقدار تخفـى نجـومٍ فـي توهجهـا
ويموت ميعادها اللي كان تظهـر بـه
قلتـه والايـام مدخلهـا ومخـرجـه
ماهوب مثل الجمال اللـي تظاهربـه
عادات الايـام لـو يغـري تغنجـه
لا بد بين الضلـوع تمكـن الحربـه
ومن لا يشد الرسن بيـده ويسرجهـا
ويضرب بها كل ربعٍ كايـدٍ ضربـه
يموت من ونـةٍ ماأحتـال يزعجهـا
وحسبه على اللي عن اليمه تياسر به
وكثـر القنـوات ومتابـع برامجهـا
ما تلحق الرجل مقصـودٍ يفكـر بـه
والايام كثر التـرف فيهـا يسمجهـا
والعمر مشوار والرجـل إيتعبـر بـه
الشاعر /
ضيدان بن قضعان