اقتباس:
المشاركة الأصلية كتبت بواسطة شيخة الطبع الخجول
الموت هين مير البلا وش ورا الموت
............عند الحساب يهـون سهم المنايـا
باكـر نمـووت وتصبـح قبورنـا بيـوت
............عقـب القـصـور بضيـقـات الـزوايـا
في جوف الارض وكل من حولك سكوت
............وتعاقـبـن بالقـبـر عــوج الحـنـايـا
يـارب يـا منجـي نبيـك مـن الحـوت
............ستـرك وعفوك يـوم كشف الخفايـا
باكر ليـا جينـا علـى داعـي الصـوت
............شيبـان واطـفـال وشـبـاب وصبـايـا
يـارب تهدينـي قبـل لحـظـة الـفـوت
............وتغـفـر ذنـوبـي ياكـريـم العطـايـا
اشكيـك هـمٍٍ داخـل الصـدر مكـبـوت
............وايـامـي الـلـي بالخطـايـا مـلايــا
ان لاذ بـك مـن كـان طايـع ومبخـوت
............فـي مـن يلـوذ المرتـكـب للخطـايـا
يـارب ياقـادر علـى كــل طـاغـوت
............لا ياقـف اللـي وحـدوا بــك خـزايـا
رحمـاك لا منـا صحينـا مـن المـوت
............واليـا وقفـنـا عـنـد بـابـك عـرايـا
:
:
:
:
لـ **متعب اّلتركي ** |
شيخه والقصيده شيخه
صح لسانش ولسان الشاعر
قصيده قمه وابداااع
لاهنتي ع النقل الرائع والمميز
تقبلي مروري وسجلي اعجااابي 