[االزاروق]

نعيب زماننا والعيب فينا && وما لزماننا عيبن سوانا

رحم الله المتوفين رحمة واسعة كما نتمنى الشفاء العاجل لباقي المصابين .

ياجماعة بكل واقعيه العيب مو فالسلطات ومايصير نحملها المسؤلية بشكل عام العيب فينا حنا عالم همج همج همج بمعنى الكلمة التجمهر اللي صار والعالم المتفرجه اللي ضيقة الشوارع الضيقة بالاساس وحرمت الضعيفات اللي يدورن الستر ومايبن عوراتهن تطلع للغريب اللي واقف يتفرج امام الخيمه واخرو وصول الدفاع المدني التوعية المفروض تكون للعالم المتفرجة والمفروض فيه عقوبات صارمة ضد التجهمر في اماكن تعيق عمليات الانقاذ صراحه المنظر والتجمهر شي غريب جدآ حتى في المستشفيات اطلعت لقطات المستشفى مليان كل من هب ودب دخل يتفرج اول شي هذي محارم ناس ثاني شي مايصير كذا تعيقون عملية الاسعاف وتشتتون ذهن المسعف .
ومع هذا انا ما ازكي السلطات المفروض ان الدفاع المدني عنده مروحيات اطفاء خصوصآ مثل هالمناطق اللي شوارعها ضيقة بالمرة .

وبعض الاخوان اشوفهم يقولون توعية وما توعية اتوقع ان الحفله كان وضعها تمام لكن لظروف قاهره صار اللي صار وهذا قضاء وقدر قبل كل شي وبعدين الحريق صاير بخيمة معقوله مافيها الا باب واحد وشلون راعي الحفله يتجاهل هالشغله المفروض ينفتح نص التيزار ويصير مدخل وسيع على البيت الخطى مشترك كلن اخطى المعرس اخطى على ضيوفه والجماهير اخطت على المحترقين وعلى نفسهم واخروا وصول الجهات المسؤلة وضيقوا عليهم والدفاع امكانياته محدوده لا طائرات اخلاء ولاشي والمفروض يكون اهتمامه بمثل هالمناطق اكثر والمسكينه اللي تحملت ذنب هالعالم اسئل الله انه يهون عليها مصابها فلايجوز ان نشمتها بل ادعوا لها بالهداية فاوالله انها تموت في الثانية الف مرة اغواها ابليس واخطت وانشاءالله تكون عبره لغيره والجنه والنار بيد الله سبحانه وهذي خطاها بغير قصد نسئل الله العفو والعافيه والله لايرينا مكروه جميعآ .