لورنس < تسلم ع الموضوع الـشيق 
كلامك عين الصواب
صرنا نعيش هذي المشكله
لكن اللي علينا
ان حنا
نغذي لغتنا الأم ونكتسب اكبر قدر من المفردات الفصيحه هذا يعطينا جرئه وانطلاق في التحدث او الكتابة وطبعا التعلم في الصغر اسرع واضمن وهالمفردات نكتسبها من القران والسنه والشعر العربي واقوال العرب القديمه وحنا بالخليج نفتقر للغتنا العربيه الفصيحه اكثر من غيرنا مثلا عندك في الشام والعراق حتى اطفالهم يتكلمون افضل من شبابنا
صار عندنا مدارس ثنائية اللغة وللاسف التركيز يكون على اللغة الثانية واللغة الام لها النصيب الاقل من التعلم
مفروض مثل تُدرس اللغة الجديده تُدرس اللغة الاصلية
لكن
هذا مايمنع اننا نتقبل الجديد الحين الدنيا تغيرت ودخلت علينا اللغات الاخرى في بيوتنا لازم تكون عندنا اكثر من لغة عشان نقدر نتأقلم مع حياتنا اليومية
اتمنى اني ما اطلت
لكن العربية اختصاصي وبيني وبينكم مقهوره