راكان الفارس صفحاتي متنفس دائم لك وعلى طاري العصريات والكورة : كانت امي تموت في مشروب (فيمتو) ..وكنت اشتريه وانا راد من المدرسة للمقايضة .. كنت اضحي بريال (المشروب) واشتري فيه فيمتو حق امي .. وأول ما يطلع ابوي ويروح لربعه .. اطلع انا قوطي (الفيمتو) وامي تطلع (مفتاح) الباب ونسوي مقايضة واول ما ينفتح الباب انطلق : تقول (عنز) بدو رحّل ضاربه فيوزاتها حصلت باب الشبك مفتوح ولا ادق بريك إلا وسط الملعب ..ودايماً اجي متأخر .. والسبب ابوي ما يطلع لين يشرب دلة قهوة وشاهي تقول بيمسك خط (مكة).. واخرب اللعب ..لين يلعبوني مره كان فيه مباراة مع حارة ثانيه .. وكان كل واحد جايب ربعه وياه وزحمه وجمهور .. وكان (بلنتي) وانا الي بيشوت الكورة ونص الجمهور يقربون حق الحارس .. تخبر أول .. اذا جينا نشوت لازم نجمع التراب تحت الكورة ..نسوي (طعس) واجيك طاير فارد رجولي واشوت الكورة بلي تحتها .. ومن سوء الحض : كان فيه (حصاة) .. تركت القول كله وصفقت (بجبهة) الحارس وقام ينزف دم .. أنا وفريقي ما انتبهنا للحارس .. فرحانين بالقول .. بس ما امداني ألتفت جهته إلا : (تذكرون مقطع فلم عمر المختار وربعه يوم هجموا على (الطليان) في بداية الفلم) والله نفسه ... وبما اني العجمي الوحيد .. محد فزعلي بس قاومت صراحه .. رجعت البيت بدون (فنيلة) بعدها بفترة تجيني امي معلقة المفتاح بحزامها الي تربطه على خصرها.. وتقعد رايحه جايه من قدامي يوم فقدت الأمل .. صارت تعطيني ريال اروح البقالة وريال حق الفيمتو....إلين طلعت فلوسي منها .... الي ما يسمع يسلم عليك ويقوللك الهلال و النصر النتيجة تعادل 2/1 ابشرك الله مشغله عني هاليومين تحياتي راكان
__________________ . . يقولون من راقب الناس مات هماً .. لكني مت ضحكاً !