الأخ الكريم ...عبق أجدادي بقوللك سالفة واحد مادامك جبت طاري (العجلة) هذا الله يذكره بالخير مدرس حديث (مصري) ..مسوين قطة شيبان الحارة على خمسين(ريال) ويعطونه اياها كل آخر شهر ..مـقابل تدريس اولادهم احاديث الـرسول (صـلى الله عليـه وسلم) تصدقت جلست 4 اشهور كل يوم بعد صلاة العصر ساعة وهو يهذر عليـنا (مـــاقدرت يـوم اركز مـعاه) والسبب انه كان يحمل فوق كتفيه مدفع (هاون) يطلق منه قنابل ماركة (ثوم52) تصيبنا بحالة من الإغماء ! وبما ان اسم (الله)سبحانه يمتاز بكونه يخرج من جوف الانسان..وليس كباقي الاسماء كلما قال (الله) غُشي علينا .. فندعوا الله ان لا يقول الله مرة اخرى .. وكان إلي ابوه ما يدفعله ..يوصله الرسالة عن طريق سلام مُغلّف ! يعني لما يقول للواحد فينا (سلملي على ابوك) معناه : خل ابوك يجيب الخمسين حقته.. مره من المرات طلبني أسلم على ابوي ..!!! وكان شئ مفاجئ ومخجل في نفس الوقت ..وغريبة ليش ابوي ما اعطاه حقه !! بعد العشاء سألته : يُبه عطيت المصري حقه .. ترى احرجني اليوم قدام اخوياي لا ..الله ياخذه ...شفته بس مارحتله ... ماني ناقص ..كبدي تحوم علي لها كم يوم !! خذ هاذي خمسين ريال عطه الفلوس وفكني من ريحته ! انا يوم سمعت (ريحته) ...وفتح لي ابوي (الطريق)..قمت اشتكيله صراحه من (المعاناه) .. في البدايه ما اهتم وحس انه عطاني عذر انسحب من الدرس بس يوم وصلت نقطة(الله) وكيف صرنا نكره نسمع هالكلمه ..قاطعني وبغى يضربني واليوم الثاني سحبني لانه الضاهر خاف تجيني عقدة وألحد بالله .......... وش جاب هالسالفة !! ايه صح طراها (العجلة) اذكر وحده من سوالفه مدرسنا (ابو ريحه) وكان يعلق علي فيها وهو استعجالي في الخروج (طبعاً تعرفون السبب) فقال : ها ها خلقت يـــا بني آدم عـــجولا ..اسمعو هالقصة قبل ذهابكم .. وهي القصة الوحيدة الي اذكرها..والسبب انني كنت في طريق الخروج ولست كالعادة قريب منه..فإستطاع عقلي ان يميز الكلام ويحفض منه نسخه !! تقول قصته ولا اذكرها بالتفصيل وهي في ذمته : يوم تنزل الروح على آدم نزلت من فوق ..فإذا وصلت حلقه ..عطس.. وفي طريقها واهي نازله وقبل توصل القدم نقز ابونا آدم وتحرك ..! فيقوللك ان العجلة في فطرة بني آدم شكرا عزيزي عبق اجدادي وجودك في مواضيعي يفتح شهيتي بس عندي اعتراض وزعلان منك انتحار تحطله صور وحركات (ايدين) طالعه من ورا جدار وأنا لا صحيح انك اضفت مقولة شيخ كريم تشكر عليها ... بس هم محتاجين مؤثرات تحياتي عزيزي
__________________ . . يقولون من راقب الناس مات هماً .. لكني مت ضحكاً !