[بدر الساخر]

الأخت الغرياف قدرت على الاقل اجيب كم اجابه لأسألتك والحمدلله
ضابط خفر كان مروق ولا صك السماعة في وجهي وهو يلعن

مع العلم انه ما عرف من اقصد في البداية بس يوم قلت :

السجين الي كله يطلبكم دخان ...قال (بس) عرفته

نرجع لأسألتك :

طيب هو ليه مسجون!!!!!!!!!!

مسجون في قضية اشتباه قتل

.....

ومحكوم ولا ينتظر حكم!!!!!!!!!!!!

هذي المشكلة

يقول الضابط ان قضيته :

طلع ويا خويه البحر في قارب ورجعوا آخر اليوم وخويه ميت ودمانه تقطر

يقول اهو (بلسانه) : انه كان واقف على راس القارب وجات ريح قوية خلت توازنه وطاح وطق راسة في دفّة القارب ومات من النزيف قبل يوصلون الشاطئ

والتحقيقات تقول نفس الشي انه مات بسبب ضربة خلف الرأس أدّت الى نزيف حاد

وللحين ما حكموا عليه ينتظرون (الريح) تجي ياخذون اقوالها

....


ويجيه زوار ولا مقطوع من شجرة؟؟؟!!!!!!!

الله يهديك عاد هذا سؤال ينسأل .. بس سبحان الله مافيه شي يصير بدون سبب

انا يوم سألت السؤال ذا .. رد علي الضابط :

لايكون انت من فاعلين الخير .. وانا اقول من ذا الي يسأل عن المساجين

قلت وش قصدك ..

قال حنا رافعين طلب عن طريق الإدارة الاسلامية بمنح السجين
الي تسأل عنه اذن طلب زواج حسب طلبه

وننتظر اهل الخير يتوسطون

قلت : ابشر حاظرين حنا ان شاء الله من اهل الخير ونحب فعله

وش طلباته ؟

يقول انه يبي وحده موظفه تصرف على نفسها اهم شي والباقي متنازل عنه

بعدين سألته .. قلت :

المهر طيب يقدر يدفعه ؟

قال الضابط :

يقول.. انه يملك سيارة (بيوك بارك افينو) موديل 84

وعنده خمسمية (سهم) في شركة (سابك)

بيهديها زوجته المستقبلية

والرجال طيب وسمعة زينه في السجن وحفض القرآن ومتواضع جدا

مدري اذا الموضوع يهمك ..


......
والجو اللي حوله حر برطوبة ولا بلاواهيب!!!!!!!!

عاد هذا أسهل سؤال ما يحتاج اسأل

حر برطوبة ولواهيب وعزران وقطع مصران


......
ووش المرض اللي يعاني منه!!!!!!!!

عاد يوم سألته هالسؤال صرخ علي بصوت بائس (هذا بلانا كلنا) بسبب مطعمهم الخايس !!

قلت وشهوا :

قال : حصى في الكلى


.....
والدكتور اللي يعالجه راعي ذمه ولا مش حالك!!!!!!!!

عاد هذا السؤال الي ما قدرت اجاوبه

تخيل نفسك تشتغلين في مستشفى وعضو من اعضائه ويكلمك واحد من الشارع
يسألك ..الدكاتره الي عندكم راعين ذمه ولا مش حالك...وش بيكون ردك ؟


شكرا على اهتمامك بإخوانك المساجين وصدقيني ...

يمكن قعده مع انسان ساعه وحده في الاسبوع تسوى باقي القعدات مع باقي الناس في باقي الاسبوع كله