لاتنشغل فيني أنا بحالي ادرى ... قلبٍ تعلّق فيك ينسى مع الوقت
اكثرمن اللي صارلي ويش يجرى ... بين الرجا والياس شفني تعلّقت
مثلي ولو شفته عن همومه ازرى ... ما قال ليتك في جروحه ترافقت
هاك القصايد لاتضايقت واقرى ... شف وشكثر فيها لبسماتك اشتقت
أثر الوفـا ينبااع عندك ويشرى ... ماكنــت اصدق فيك واليوم صدّقــت
يامشتهي فرقا المواليف حذرى ... تبعد وأنا من سكرة الحب مافقت
لاطـافـت الفرصـه تحريـت الاخـرى ... وتــروح ماكنـي عليها تشوقــت
ساري لو إن الليل مافيه قمرى ... اشيل من حمل الهوى فوق ماطقت
لاصار حظك أقشر والايام قشرى ... مافيه احد عاقل يلومك إليا ضقت
صحيح بعض الناس فرقاه بشرى ... وبعض البشر لاغاب ليله تضايقت
ليتك خذيت بليل الاحباب مسرى ... غربت من كثر الطواري وشرّقت
السيل يبقاله على القاع مجرى ... ويبقالك التذكار لو كنت فارقـت
اشوف لك من وين مارحت ذكرى ... ولاشفتها صديت عنها ودنقـت
ماكل جرحٍ لاخــذا أيـام يبرى ... بعـض الجــروح يزيـد شره مع الوقـت
~~~~~~~~~~~~~~~
~~~~~~~~
هذه من روائع الشاعر:
*متعب التركي*