ياصاحبـي غابـت علـي الشمـس باطـراف النخيـل
وامسيـت اشـوف الباسقـات اللـي تميـل عذوقهـا
وانـا علـي بشـتٍ حسـاوي لا قصيـر ولا طويـل
والمزنـه الغـرّا علـى راســي تـلـوح بروقـهـا
والعالـم الله يـدرك العطـشـان منـهـا سلسبـيـل
والا يـوقّـف يـومـه المـوعـود قـبـل يذوقـهـا
يا صاحبي . . يا ناس . . ياللي فوق . . يالوزن الثقيل
لـد النظـر للعالـم الـلـي مــا تـبـل حلوقـهـا
والعمـر مـرّه والقلـوب البيـض مـا تبغـي دليـل
والنـاس اذا طابـت نواياهـا . . تطيـب وفوقـهـا
لو كل مـن سمّـا نبيـل يصيـر مثـل اسمـه نبيـل
سمّيتهـا ليلـى عـلـى ليـلـى وانــا معشوقـهـا
كذا . . كذا يـا حرفـة التمويـه فـي نعـش القتيـل
يـا صاحبـي غمّـض عيونـك وادفنـه فـي موقهـا
وانا تعبـت مـن الحجـاج السمـح والكـف البخيـل
ولا عـاد عنـدي حـل اعالجهـا واخيـط افتوقـهـا
صحيـح انـا ممكـن أسوّيهـا واسـوّي المستحيـل
لكـن رجلـي فـي هـوى نفسـي ماعـاد اسوقـهـا
وشلـون ابـرّر موقفـي واجـزا جميلـك بالجمـيـل
وانـا يدينـي فـي فـم الحيّـه ورجـلـي فوقـهـا
قصيدة تروي عطش المتذوق وتبحر به في عالم الجزاله
اخي العزيز محمد اليامي اخترت فأحسنت الاختيار
صح السانك والسان بن قضعان
ولك التحيه والاحترام