[ناصـر محمد المجروب]

السلام عليكم ورحمة الله وبركاته ..

بدون مقدمات ..

{{ ياورود الشقى }},, منّك تغار الـورود=حتى لوّك حزيـن وفيـك طبـع الشقـى
انت حزنك نبيل ,, ولا على الضيـق زود=وفي لقانا مراحـب بالسـرور ,, وبقـى
ما اعرفك ,, وقدرك فـاق كـل الحـدود=شوف قدرك ,, على راس المحبّه رقـى
عيش بي كل ليله ,, وخل فرحـي يـزود=عمرنا قبل نتلاقى ,, شقـى فـي شقـى
ماعلينا مـن الضيقـه وكثـر الصـدود=توّنـا مابدينـا ,, وان بدينـا ,, نـقـى
شاعـرك لاتعهّـد مايخـون العـهـود=ولايخيّب ظنـون الـي يظـن ,, وهقـى
كنت وافي ,, ولين الحين وافي ,, واجود=لنّ قلبي مع (( شيوخ الوفـا )) اصدقـى
شاعرك لو يدّور فـي مزايـاك ,, فـود=لاتلومه لـدّور ,, لومـه ان مالقـى ..!
راح عمره .. يدور للسعـاده ,, وجـود=ويوم شافك بغاك ,, وتو عمره سقى ..!
كان يسمع عن (( الفرقى )) ودمعه يسود=مايبي منك اكثر ,, من (( ثواني لقـى ))
خلّنا نمحي الماضي (( بكف الوعود )) ..!=والله لضحّك سنونـك ,, وازيـل الشقـى

لـ مبارك المجروب ..


سلاام ..!