يوم انه بلندن تشوقت له حيل
ياليت خلي ما رحل يم لندن
من راح عني دمع عيني هماليل
من فوق خدي غصب عني يعدن
راح وتركني للعنا والبهاذيل
ادقدق ارقامه وعيت تردن
اسهر طوال الليل واسامر سهيل
واعيش باحلام عن الصدق شدن
فيه القصايد عاجزه والمواويل
وعزوم قلبي من فراقه تردن
ياليت لو لندن على ضفت النيل
في مصر ولا داخل حدود الاردن
وياليت فيزتها تجي دون تعطيل
وليت العوايق يا حبيبي يهدن
وياليت لي بالبحر سفن واساطيل
او طايراتن تحت امري استعدن
والا المسافه بيننا طولها ميل
وليت الخطا للي نحبه يودن
ياناس انا ودي معاه اسهر الليل
او شوف زوله لو ثواني يسدن
ياليت يبلى لايمي والعواذيل
غصبن على عيوني لزوله يلدن
وحسبي على اللي ردني عنك بالحيل
لا ماهتنيت بحب ولا رحت لندن