[فهادي عزوته يام]

كان قصدك عذابي لاتوصـي حريـص=الزمـن مايقصّروانـت فيـك ابـركـه
لاتعاند ترانـي صـرت مثـل القريـص=ماحدن راح صوبـه والعـذاب انهكـه
لمعة الشوق فيني مثل لمع الفصيـص=والقدم سقتها لـك والطريـق اسلكـه
قانصن لك وطحت برمش عينك قنيـص=يوم شفته غدا بالقلـب صـوت ادبكـه
جيت بافر منّك واثـر مالـي محيـص=اثـر سهمـك تعـدا للحشـا وادهكـه
اشهد انّـك بقـدرك وبغلاتـك بخيـص=من كثر زود حبّك طحت وسـط اشبكـه
انت وينك ترى الدعوا غدت خيص=بيصويـن راح الذكـا والفكـر والتكتكـه؟
ماهو ابشرط من دش البحر صار غيص=كم وكم واحدن شـاف البحـر واربكـه
اشتوت كبدي وصارت ابعـدك حميـص=وقرقعة قلبي ابصـدري تقـول اتنكـه
الأمل انطفـا نـوره وباقـي بصيـص=والعمر فـات دوره والزمـان ادركـه
صح قلت ابتعد لاشك منـت ابرخيـص=ماتناسـاك عقلـي دام فيـه احـركـه
مايأثر عذولـن جـا عيونـه نفيـص=راح منّـي وكفـه بالقـهـر يفـركـه
ياحبيبن جعلني مـن غلاتـه خبيـص=له عيوني وطن والـروح لـه مملكـه
ماعلي غير شوفـك ياحياتـي نقيـص=هاك خيـط المحبـه وابيديـك امسكـه
بيـن هـم وتفكيـر وحظـن عويـص=كل من قال خلّه قلـت كيـف اتركـه؟
كيف اخلّي حبيبن في المحبـه خليـص=فارظـن احترامـه والحنـان امـلـك
ه لو جعل لي رساله وسط مخبا القميص=بـدري ان التجافـي والزعـل فبركـه
ويوم قلت ابتعـد ولله منـت ابرخيـص=كيف يرخص مقام الّلي هـواه احبكـه؟