ماني بذم مطير
هذه القصيدة اهداها الشاعر مساعد بن جبران لكل من يشكك بأبياته التي ألقاها في برنامج شاعر المليون الاسبوع الماضي وقد اسندها للشاعر بدر مفرح الظمني ونحن هنا في مشاوير ننشرها كما جاءت من بن جبران
من الراس قدح زناد ما عاد به تأخير
بيوتن نقدمها ونرفع مناصبها
مواضيع عن شيمة وقيمة ونهج غير
على عز واسماع المناعير تطربها
نقول البيوت ومشكلتنا من التفسير
ولانقدر عقول المخاليق نحجبها
ذكرنا حقايق ثابتة مابها تزوير
والاجواد ذكر افعالنا ما يعذربها
ولاقصدي الا الطيب والمدح والتذكير
ولا اساير الفتنة ولا من يشور ابها
عن الهينة والذم والعيب والتحقير
منزه يميني والفعايل مهذبها
والابيات يوم اقولها واضح التعبير
ولو حاولت بعض المقرد تهس ابها
اخاطب بها ربعي وربعي لها تأثير
ولو ما زهمت الاد عطا صعب افوزبها
ولاهوب ذمن بالقبايل (رضا ونقير)
لها فعلها وتنزح اللي يحاربها
قبايل وتفعل فوق ما نفعله وتسير
على عز وافعال المناعير تحسبها
ولا حسني واخلف مزاجي وتل السير
وخلاني اوضح بيوتن بديت إبها
سوا رفقتي للوافي العاقل الكبير
رفيقن محابيل الردا ما يطيح إبها
يابوثامر الظمني بدر يا خوي الخير
تقبل ابيوتن ما يجامل مرتبها
لأنك خوين ترفع الراس منت صغير
ويمناك تتعب للمراجل وتكسبها
تسمع خويك جعل عمر الردي قصير
ترا شرهتك من فوق راسي واحسبها
أنا يوم اقول القول ماني بذم امطير
وتكرم عن دروب المذمة شواربها
ارجالن تروم المجد ما حولها تقصير
ولا قصرت عند النشاما بواجبها
فتيل الحرايب والمواجيب والضمير
بعيده عن الشكات واللي يسربها
لهم قدرهم وعقولهم تفهم التقرير
ولا تلتفت للي يحاول يسربها
تقبل ابيوتي يابوثامر مع التقدير
عسا شايبك جنات ربك يفوزبها
منقووووووووووووول من منتدا مطـــــــــــــــــير