لا ضاق صدري ياحبيبي .. ومليت ،،=وحارت بحلقي عبرتي .. وخنقتني ..!
وحاولت أسلي خاطري عنك .. وأزريت ،،=وكل الدروب اللي مشيت .. خذلتني ..!
وخلاص مليت الأماكن وهالبيت ،،=اللي بها في يوم .. معك أجمعتني ..!
كل شي يذكرني .. ولا عنك سجيت ،،=والله ما أنسى محبتك .. لو نستني ..!
ماعاد تنفعني لو أصيح .. ياليت ،،=وياليت هذي .. وش كثر متعبتني ..!
أن جيت ولا رحت .. وإن رحت أو جيت ،،=ومهما خذت دنياي .. ولا عطتني ..!
( والله .. مامثلك بهالكون حبيت ،،=ولا غيرها فرقاك .. فرقى ذبحتني ) ..!