[سالم الرتيبان]

المشاركة الأصلية كتبت بواسطة محمد بن سعود

منه تعلمت كيف أصبر على أحزاني=لو إني ماني وفى ! مادمعت عينـي

متواضعه / لـ سعود بن مهدي

وأتمني إن تعجبـكم

والله وقدرت انك تصـد وتجافينـي= من عقب ماكنت لاجيتـك تحفانـي

الظاهر انك نسيت شلـون تبكينـي= مسكين كانك تحسب انـك بتجفانـي

انا اقدر انساك لامن غبت عن عيني= ولا انت لاغبت عنك شلون تنسانـي

ماتقدر تعيش دونـي لـو تعادينـي = بيضيق فيك الزمن وترد لي عانـي

والله ماركض ورى من همل يميني = ولا التفت صوب من قفى وخلانـي

ارفع النفـس عـن مـلا يدانينـي = واجنب اللـي ليـا غبـت يتقفانـي

تذكر اللي حصـل مابينـك وبينـي = وليا تذكرت شوف الدمـع باعيانـي

ملكت قلبك وربيتك علـى ايدينـي = الين صرت بعيونك ( نصفك الثاني )

اناادري اني لو اطلب شي يرضيني ؟ = ضحيت لجلـي وسويتـه علشانـي



اصد عنك وصوت بكـاك يدعينـي = تهـل دمعـك وتبكـي وترجانـي

وتقـول تكفـى طلبتـك لاتخلينـي = وتمسك ايديني وكحلك فوق الاوجاني

ببعد ولا عـاد تطلبنـي وترجينـي = رح في طريقك مدام ( الوقت ) عزانـي

اجرح ترى الجرح يطعني ويشفيني = منه تعلمت كيف اصبر على احزاني

كافي علينـا كـذا وابيـك تعفينـي = لنـك لادورتنـي مـاراح تلقانـي

يكفيك ماصار واللي صار يكفينـي = عيا زماني معك والحـظ يعصانـي

اذا ما اخليك تبكي دم ! وتجيني = ولا ترى كلمتي !ّ غلطة عمر فاني

خـلاص مابيـك ,, وارجع لاتنادينـي = ولو ما تبيني ! ترى غيرك ؟ تمناني

اللي مخليـك ؟تعشقني وتغلينـي= يقدر يخليك تكرهني وتنساني

اررررحب يابو سعود صح لسان ابو مهدي وتسلم يمينك ولاهنت على النقل الطيب لنك طيب ولايجي منك الا الطيب
ودعتك الله