السلام عليكم ورحمه الله وبركاته اسعد الله صباحكم بكل خير ياجماعه رح اذكر لكم موقف طريف صار معي قبل ما يقارب 7 سنين فيه واحد من اخوياي بدوي لكنه شوي فيه حضاره ( يعني يجهل واجد من السلوم والعادات والتقاليد ) المهم الرجال هذا وبنسميه (ع) سافر ورجع من السفر ويوم رجع حلف عليه رفيق لنا وذبح له ذبيحه وعزمنا وعزم ناس من جماعته واغلبهم شباب ومطعمين بشايب او شايبين ( ابيه وعمه ) المهم قاعدين نتحدث والامور ماشيه على مايرام ويجي معزبنا ويقول فومو يالربع على عشاكم ( ويقول قم يا (ع) على عشاك ) ونقوم والمجلس مليان على خروفين ونتوزع على الصحنين واجلس انا و (ع) على نفس الصحن المهم ويوم اكتملنا وينشغل راعى المحل عند المغاسل اجزاء من الثانيه ( وانا امون على راعى المحل حيل ) واقوم انا واشبح في (ع) وهو جمبي وارفع له حجاجي واتمتم له ببعض الكلمات ومامر شوي الا والضيف يقول بقدره قادر سمو حياكم الله على عشاي ويا مرحبا ومسهلا بالجميع هههههههههههههههههههههههههههههههههههههههههههههههههه ههههه انا الحين توهقت ودي ان الارض تنشق وتبلعني لاني بصراحه ما توقعته بيسويها ( انا قلت له قل للرجاجيل يسمون وسم شفهم يرقبونك هههههههههههههه ) وبن الحلال على نيته وسواها المهم محد مد ايده على العشا وخوينا وجهه قام يقط الوان حس ان الوضع فيه شي غلط وبصراحه انا مارضيتها عليه واخربها انا بعد واقول يالربع سموا على عشا (ع) وفلان اللي هو مضيفنا اخي الكبير وامون عليه ويقوم الضيوف وانصدموا مادروا شلون الوضع صاير ويسمون وبعضهم قال برقب راعى المحل لين يجي صارت قصه ذاك الليل ههههههههههههه المهم وحنا على العشا واشوف نظرات الغضب ونظرات الكره ترسل على سهومها من اخونا ( ع ) وانا ذبحني الذل منه لانه جبو ما يدخل مع الباب من كبره وماسك عمري لاني ودي اطيح على ظهري من الضحك خلصنا من العشا وتقهوينا وركبنا موترنا انا و (ع) لان حنا جايين بنفس السياره المهم عند الاشاره للحين ما تكلمنا بولا كلمه ماشوف الا الضربه اللي جاتني على صدري وانا انفجر من الضحك والرجال ضايق على من صدقه وياخذ عقاله ويمسني فيه وانزل من السياره وانا في حاله هستيريا من الضحك ويمشي ويخليني وادق على واحد من الربع ويجيني وياخذني ونقعد نحايله ونراضيه فوق الاسبوعين ويالله رضى علي واعتبر هذا من المواقف اللي كل ما ذكرتها اضحك واسمحوا لي اذا الموقف سخيف فمان الله لي عوده باذن الله
__________________ ــــــــــــــــــــــــــــــــــ ( من لا يعدك ربح لا تعده راس مال )