من المواقف المضحكه ايضاً يسولف علينا شايب من الجماعه يقول طلعت مره من المرات للبر عاد مدري وين ديرته لان السالفه مبطي المهم يقول مشيت من صبح من اهلي ومعي زمازم قهوه وشاهي ورحت ابي لي ربع في ذيك المناطق وكان سيارته ونيت جمس يقول اظلم الليل وغابت الشمس وباقي على ربعي حول الخمسه كيلو يقول وتعطل موتري وقلت بمسي في الفيضه ولا اصبحت رحت لهم مشي في فيضه كانت معروفه عندنا من اول بالجن وكانت مترئسه الجن اللي فيها عجوز سكنيه يقول سميت بالرحمن موتري وقمت اتصنع النوم وانا مانيب قادر ارقد من الخوف يقول واسمع صوت بلا يصفر في الموتر يقول واسمي بالرحمن واسمع الذيابه تعوي يقول اني جلست على اعصابي احتري الصبح يطلع يقول وكل ماخذيت دقيقتين اسمع صوت التصفير اللي في السياره ولا قدرت ارقد منه ويوم اصبحت اكتشفت ان اللي ماخلاني انام هي الزمازم كانت تصفر مدري يمكن ماسكرها زين والهواء يدخل فيها وتصفر المهم ان الشايب سرا ليله ماامسى والسبب زمازم
__________________