بسم الله الرحمن الرحيم
السلام عليكم ورحمة الله وبركاته
اليوم حبيت اشيد بشخص يستاهل الاشاده
شخص يستاهل ان كلا يوقف معه
لأنه أولا ولدنا
ثانيا شرفنا في احد المنابر
الا وهو بدر بن فهد بن مويعز آل وبير العجمي
هذا الشاعر الكبير
شارك في مسابقة شاعر العرب وطلع
لكن كان مثل مشرف لربعه وجماعته
وحقه علينا ان حنا نشيد به
ونقول له كفيت ووفقيت
وما قصرت ويبض الله وجهك
وإلى الامام يابو فهد
انا قلت فيه قصيده وهو اكبر منها طبعا
لكن حبيت اقدم له أي شي
وهو يستاهل
واتمنى مساهمة كل شخص بكلمه
او قصيده
وهذا اقل شي نسويه حنا يا أعضاء المنتدى
وانا قلت فيه :
بديت بسم الله رحمانٍ رحيم=يغفر ذنوب العبد لوهي كالبحور
رب كريمٍ واحدٍ خالق عظيم=بديت بسمه عبده العبد الشكور
من بعدها بصف لي درٍ كريم=مجمعه من فكري اللي مايبور
فكرٍ صحيح مابعد اصبح سقيم=فكرٍ منقى واضح مابه شرور
وابدا بمدح الشامخ الحر الزعيم=اللي منقى من تقاسيم الغرور
العالي الغالي طريقه مستقيم=ماهوب يعرف لا يلف و لا يدور
وقت الغضب يامشجعه وايضا حليم=ووقت الشعر يامروعه بدر البدور
عز الله انه فالقمم دايم مقيم=وعز الله انه كالحمم دايم يثور
يثور لين يخلي اعدائه هشيم=ويضيم كل اعداه ويحفّر قبور
ابو فهد عمى عيونٍ للخصيم=ابو فهد عز لرفيقه ومخبور
ابو فهد على العدا نار وجحيم=ابو فهد لاصحابه يوسع صدور
انا اشهد انه حاكم وشعره حكيم=وانا اشهد انه فايقٍ عند الظهور
وانا اشهد انه عز لاصاحوا حريم=وقت اللقى يفج بيدينه نحور
من لابتٍ اضعفهم يهين ويضيم=عداه لين اطيبهم يصيبه كسور
خوالي آل وبير واضرب فالصميم=اهل الكرم منذ القدم عبر العصور
ويالعنبوا من لا يحب ولا يهيم= في ربعه اللي عزهم مابه حدور
دايم رفيع ومرتفع لحدود غيم=وهذا مكانٍ ماخذينه من دهور
الشامري يختم كلامه فالكريم=في خاله اللي للمنابر صار نور
وسلامتكم
مع تحيات / محمد بن ظافر بن حسين الشااااااامري