نطلع شوي من الكوره
الشعر هنا في منتدى العجمان له طعم
يعجبني
مبارك بن مجروب وسعود بن مهدي
والبنت الجزله ومهرة الصمان
وسداح وغيرهم من الشعراء
لكن تبقى قصيدة سداح في صدام حسين لايعلى عليها
وهي من اجمل القصايد اللي قريتها هنا
ونقلها العضو الغالي والمحترم عيد بن شدقان
سبحان خلاق البشر عـدّة أقسـام=عـلاّم مـا نعلـم بسـرّه وغيبـه
خلاّ العباد أنواع وعقولها أحجـام=وكلٍ على عرفـه وخبثـه وطيبـه
يا مقّـدم الأخبارعنـدك نبـأ هـام=عاجل على الشاشه وقمت أتعدي به
وحنّـا تطيرّنـا ذعاذيـع الأنسـام=نكفخ مابين المخطيـه والمصيبـه
شعّار لو نلقا لنـا مصـدر إلهـام=قمنا نخـم الشعـر ونطـرّ جيبـه
العاطفه ترمي بنا وسـط الاوهـام=ونصنع بها في كـل ليلـه حبيبـه
ندفع قرايحنـا لتحقيـق الأحـلام=واللـي توديّـه القريحـه تجيبـه
الزيف ما يبقى علـى مـر الأيـام=والصدق ماهو عيب والكذب خيبه
ومن لا يذوق الضيم ماهوب منضام=والظلم من لا عايشه ما دري بـه
لاهنت يا اللي مزعلك موت صدام=ضايق علشان الوجيـه الغضيبـه
ما اوحيت ونات الارامل والايتـام=ولا غدالـك كبـر حـب الزبيبـه
عايش بخير وفي سماك الفرح حام=وأكبر همومك وين مفلى النجيبـه
والعنصريه مالها شـرع وأحكـام=تبصرّوا يا اهـل القلـوب اللبيبـه
فتوى صريحه مابها طـقّ وإلحـام=ومضمونها مافيـه شكّـه وريبـه
أفتابها اللي عن هل الديـن مقـدام=عسى الجنان الخالده مـن نصيبـه
قد قالهـا صـدام كافـر وظـلام=ولو يدّعي بالدين مـا نقتـدي بـه
صحيح ما نرضا بتوقيت الإعـدام=ولابد حبل المشنقـه يلتـوي بـه
الموت والله موت من عزّ الإسلام=ماهوب موت اللي حياته مصيبـه
ايضآ لا ننسى قصيده قامت بنقلها العضوه المحترمه
الشقاويه
العام غير وهالسنه خاطري غير ** من يوم ماجالك على البعد طاري
اوميت لك عند الموادع كما الطير ** يوم ابعده طلع طوّته الصحاري
وعودت مالي عن همومي معاذير ** الا رجااااااي وعزتي واعتباري
ادري على الفرقا حدتك المقادير ** والا انت على توديع الاحباب ضاري
وتدري لك بقلبي معزه وتقدير ** وانك تموووت ولاتشوووف انكساري
يااول حبيب ماأنصفته التعابير ** واخر حبيـب لـه جمـيل اعتذاااااااري
يامشغل بال القصيد عن الغير ** يااااضحكة ايـامي و سـجّة نهاااااري
وياأبعد من ايام الرخا للمعاسير ** واقرب من هيام القمر بالمساري
وياأقسى من الدمعه على وجنة صغير ** وأرق من لفحة نسيم العصاري
اغليك ياوجه الحيا والتباشير ** وأبيـــك لو ماانت بعن الحال داااااري
شوفتك>حلم وليلة الوصل>تفسير ** وغيبتك>علم وفيض حزني موااااري
ماعاد لك ياهاجس الشعر تغيير ** اموووت والا اخذ من الوقت ثااااري
ابنتظر حزّة رجوووعك على خير ** لكن طلبتك لايطووووول انتظاري