[ولد زايـد]

السلام عليكم ورحمة الله وبركاته

.

.

بدوون مقدمات !!

اترككم مع هذه الراااائعه .. واتمنى ان تحوز على رضاكم


..

ياالدرب ... ياللي نحرت المهمـه الخــالي = عرفتــني .. !! يابعد هالخــبت ودروبه

عرفتـني .. يا مــــوديني هــوى بــالي = من قبل ما أدله واقول : التــــوبه .. التـــــوبه

آلله ..مااوفاك ياشـــــوق اشهــب اللاّلي = تذكر خـــويك ( ثـلاث سنين ) محســوبه

يادرب الاحبـــاب .. ياما كنت تطـرا لي = بالذات لا شفت .. محبـــوبٍ ومحبوبـــه

والشوق يــوم يتمكّن دالــــهٍ ســـالي =ذكّى التـعب في مـلامـــح وجهه شحــوبه

لاعاد يوم ٍ ... تمـــادى الشــــوق بهبـالي = و شريت معطــوبةٍ .. من ربح معطـــوبه !!

كنت اتحرّا ضميــــر ٍ غــــاب يصحــى لي = خلقه ربي كذا .. صحـــــــوته .. غيبــوبه !!

جيتك وانا احضن ســـوادك .. باابيض الفالي = ورجعت والفكر ســـج ّ يراجـــع ذنــوبه

راح يتهـــجا يـــدوّر باول وتــــــالي = ذنبٍ جنيتــه .. وصاروا لأجله عقـــــوبه

اللي غدا المرّ لرضـــــاهم تقل حـــــالي = واصبح غلاهــم مجـــرد مزح واكـــــذوبه

من عقب ماشتتـــوا عمري .. بروا حـــالي = ثم اتركوني جســـد ... والقلب قفوا به

كنت احسب الدار هي .. داري ومنـــزالي = آثر العرب بدّلوا وش هو ... بـ وشهو به !؟

يرجون ( ابو زيد ) .. وانا ماني هــــــــلالي = انا سنـــــــــافي .. على قوســه لبس ثوبه

اشوف جـــدّاني ... بعين اصغر عيــــــالي = الطيب والمرجلــــه ورثٍ تواصــوا به

تقل ان ( جــدي ) قرى كفي وفنجـــالي = يومه يحـــذرّني من الوقت واســلوبه

يرحمك عــودٍ جميع اقـــواله .. امثـــــــالي = يقول قبل يتوســّد راسـه .. الطــوبه :

في جيبــك ( ريال ) .. فانت تساوي ( ريـــــالي ) = هالوقت صار السنــافي .. قدْره جيـــوبه !!

يمّا حــداه الزمــــان لكل دجـــــــالي = يمّا يصير الوفا والطيب عـــذروبـــه

وش لي وبير ٍ خلط بزلالـه .. حثـــــــالي؟ = آموت ظــامي .. ويخسى البيـــر وغروبه

بارجــع واصلي صلاة الغايـــــب اشوى لي = حتى يوافي خفـــوق ٍ غـــاب .. مكتــــوبه

يالدرب .. ياللي انكتب ممشاك غـربالي = نسيتني .. دارهم وش حــدّني صوبه !؟

إلاّ تذكرت !!!! .. جيت اقـــول يالغـالي : = ليا جوك قول : الدحيــــــــــمي قال لي دوبه :

اليـــوم .. والله لو يطــــــــــــرون في بـــالـي = قمت اتوضّى .. وارتــّــــل ... ســــورة (( التـــــــوبه ))

الشاعر : محمد الدحيمي



أخوكم //

ولد زايــد وسيع البنايد