ابيات اعجبتني للشاعر المعروف : مطلق بن شويه
ابيات تلامس المشاعر بحس شاعري بحت .. اتمنى ان يكون اختياري يناسب مقامكم ..
ليتـنـا ياصـاحـبـي نـقـضـي الـدنـيـا شـبــاب = كـــان أعـيّـفـك المحـبـيـن قـبـلـي وبـعــدي
لـكـن الـلـي قـدرتـه ماتغطـيـهـا الـسـحـاب = خـلّــت الأعـمــار تـاقــف والايـــام تـعــدي
أعـرف إنّـك مـن تــراب ومــردّك للـتـراب = خلّـك اللـي يُخلـق إنسـان ويمـوت أجـودي
الوفا فـي الحـب مثـل الأمانـه فـي الرقـاب = مـلـتــزم فـيـهــا سـنـافــي وخـايـنـهـا ردي
وأنـت حـاول تحفـظ الـود ياسمـح الجـنـاب = مثـل مـا بـلادك تحـفـظ الجمـايـل لبـلـدي !!
لاتـغـيّـرك اللـيـالـي .. ويـغـريــك الـغـيــاب = وتحدانـي !! والجـفـا مـنـك حاديـنـي حــدي
نبض قلبـي يـوم ودّا .. ونبضـه يـوم جـاب = مايقـول : الا عـسـى الله يسـامـح ويـهـدي
عـد غلطاتـك علـى يـدك وأحسبهـا حسـاب = إنسها .. ومسامحك .. وأذبح لنفسك فـدي
كـود ذيـك الغلطـه الـلـي تـعـاب وتستـعـاب = غلطـةٍ ضيّعـت عمـري وراهـا وجـهـدي !!
طعنـةٍ مـن سيـف عنتـر ومـن شلفـا ذيـاب = تنتـهـي بـيـن الضـلـوع القـصـار وتـبـتـدي
ماهقيتـك يـوم الأجـسـاد تستـرهـا الثـيـاب = بالجفا عريت صبري ؟! وعريت جسدي ؟!
ليه ؟؟ وأنا اللي عشانك تحديـت الصعـاب = وفـي دروبـك متعـب أقـدام رجلـي بالـعـدي
إن ضـوانـي اللـيـل سريتـهـا بلـيـا ركـــاب = وإن نويت سهيل .. وجهت وجهـي للجـدي
من عذابي كل خطوه !! وخطوه من عـذاب = اللـيـالـي سـرمـديّـه !! ودربـــك سـرمــدي
وين أيمم شوف عيني وأنا اخيلـك سـراب = كـل ماضمـيـت زولــك تـلاشـى مــن يــدي
مـذهـبٍ حـالـي بطـاريـك يـامــال الـذهــاب = مابـقـى فالقـلـب مــن سبّـتـك عــرقٍ نــدي
ليت مايفتـح علـى بـاب شعـري منـك بـاب = لاتثاقـلـت اجلـسـاي .. وجـفـانـي مـرقــدي
وأرسمـك قـدام عينـي علـى صفحـة كتـاب = وأنـت بيـن السالمـيّـه .. وبـيـن الأحـمـدي
إن نسيتك .. فأعرف إنّـي مـوارا فالتـراب = وإن تذكرتك .. عسـى الله يسامـح ويهـدي
وان تعدتك المشاريـه .. وأخطـاك العتـاب = أعرف ان منتب سنافي !! ولانتب أجـودي
اختكم ..