[ولدراشد]

برنامج" شد انتباه الملايين = من فاس للفنطاس لابها لبغداد
عليه واللي قايم" به سلامين =مني ومن موروث الابا والاجداد
موسم" باسم سليل البدارين= اللي لهم عد النواميس ميراد
خال الملوك النايفين السلاطين= اوتاد يوم القاع تثبت بالاوتاد
مذوقين اعدا البلاد الامرين= خدام بيت الله وللعالم اسياد
محمد الاحمد طليق الحجاجين= لااحباب ومعقد حجاجيه لااضداد
مثل الجدي ماهوب مثل الكليبين =بافعال ولا لاقصد ماله انداد
ليته مع الحيين لو كان حيين =اسمه وفعله والمكانه والاولاد
يالله جعله مع فريق النبيين= امين لايبعث مكبل بالاصفاد
برنامجه قلب جميع الموازين= حسب توقعنا متابع وقصاد
لانه نشا عند الصباح العزيزين= فارض الكويت اللي للامجاد ميلاد
جينا وجيا واختلط فالميادين =جزالة المعنى وتوجيه نقاد
استاذن اللجنه ثواني ببيتين =باجيبها وانا على روس الاشهاد
فان كانها نالت على اعجابكم زين= ماعاد اجنب عن منصات الانشاد
وان كانها لاباس ياناس راضين= وجهة نظر الاجواد ماتزعل اجواد
ياراكب اللي ماشرينا بالدين= جابه لنا من جاب عنتر لشداد
ماصمموه الاد ياجوج فالصين =مصممه فانجلترا علج واوغاد
لو ركبوله في جنوبه جناحين=ماتكشفه لاقلع محطات الارصاد
الرنج روفر منذ مبطي لاذلحين= فنتاستك هاي" فري قووود نو باد
عليه وانت مجار بين العشاويين =اسر واذا البعد انتصف شغل ابعاد
واسلم وسلم لي على داعج العين= فالمملكه منشاه ماهوب فتشاد
لولاه ماشانوا بعيني مزايين= وسواه ماله فالمعاليق مقعاد
عليه لاقفا من الليل ثلثين= اون ونة فاقد" زرع الاكباد
قل له متى الميعاد وان قال بعدين= قل سم محبوبك على البعد معتاد
عليه يذكرني وانا له علي دين= مانساه لو ينسون الانفال الاكراد..

هذة القصيدة التي شارك فيها بدر في مسابقة (شاعر العرب)ولتي لقت أستحسان الجنة وأشادو بها وحصل فيها الشاعر بدر على نسبة 42 من 50 وحيث أن ألية المسابقة تعتمد على التصويت . يجعل الأمر سهلاً على بدر حيث أن قبيلة يـــــــــــام عامة والعجمان خاصة هم من يقف خلف بدر ولاهي غريبة على اولاد عجيم العاصي الفزعة مع الغريب فكيف مع أبن القبيلة

أرجوا من المشرفين تثبيت القصيدة ووضع بنر للتصويت لبدر
ولله لايهين كل من صوت
لكم كل التحايا
ولدراشد


البرنامج يعرض على قناة رواسي
عرب سات 11075 عمودي
نايل سات 11555عمودي

رقم التصويت للشاعر بدر 151