صباح الخيــر ..
مجــرد تـواصل / وأتمنـي إن تعجبـكم 
لا أخذت في خاطري من واحـد ٍ غالـي=ماعـاد أبـي النـاس قاصيهـا ودانيهـا
ماعاد أبي اللي ينشّدنـي عـن أحوالـي=العزلـه .. أبـرك مـن الدنيـا ومافيهـا
أجلـس لحالـي وأنـادم نفسـي لحالـي=مهمـوم وهمـومـي .. الله لايحييـهـا
أغيب عن مجتمع خلـق الله أشـوا لـي=وأدلّـه النفـس .. لـيـن الله يسويـهـا
أضحك وأنا الصـدز لادالـه ولا سالـي=مـن ضيقـة ٍ ماتجنّـب عـن حراويهـا
لا اونستها في ضلوعي كنهـا الصالـي !=النـاس مـاعـاد أناديـهـا بأساميـهـا
كنيتها ليـن شفـت الشـرّ فـي حالـي=عجزت لأهرج بها وازريـت لا أخفيهـا
ان جيت ابهـرج بهـا شـي ٍ ماينقالـي=وان جيت ابسكت ل( نار ٍ من يصاليها ) !
حتـى تسـاوا مـذاق المـر والحـالـي=حسبـي علـى كلمـة ٍ مانـي بناسيهـا
ياليتـهـا مــن عدويـنـي وعـذالـي=والله ل( تلقى ) الجـواب اللـي يداويهـا
لكنهـا مـن حشيـم ٍ منـزلـه عـالـي=احترت فيهـا ولا أدري ويـن أوديهـا !
مـردودهـا كــل مامـنّـه تهيّـالـي=شيّمـت نفسـي عـن أولهـا وتاليـهـا
تمرنـي جـعـل والله مالـهـا والــي=ماكنـي اوحيتهـا مـن فــمّ راعيـهـا
وأصد مـن دون لا أشـاور ولا أمالـي=بضاعـة ٍ بـيـن بايعـهـا وشاريـهـا
ماني ب( ناقص ) غرابيـل اول وتالـي=روحـي مـن الوقـت فيهـا مايكفيـهـا
سوالـف ٍ كـل مامـرت علـى بـالـي=سمحـت مـن خيـرة ٍ كنـت متحريهـا
ياحـرّ كـبـدي وياهـمـي وغربـالـي=مصيبـه إن كـان حاميـهـا حراميـهـا
ضايق وضاقت بي فجوج الخلا الخالـي=( والنار ماتحـرق إلا رجـل واطيهـا )
مهمـا يـدور الزمـان ويأمـن الجالـي=مايجرح الرووح غيـر طعـوون غاليهـا