السلام عليكم ورحمة الله وبركاته .،
هذي لـ سعـد بن حسين الهتلاني الله يرحمه .. وهي إحدى ردياته الطريفة وضيدان .،
هذه القصيدة كاملـة
ضيدان ماودك نشكل عصابة = نحتل بعض بنوكها والمحلات
اما يجيلي ولك قدر ومــهابه = والا تبـــيـتــنا بيات الشريفات
والرجل ودك يشتهر في شبابه = بالطيب والا بالعــلوم الرديات
ولا يهتـني ف اكله ولا في شرابه = الين تطلع صورته بالمجلات
وهذا رد .. ضيدان بن صبحان العجمي
لا تحسب انا ياسعد وسط غابه = هاللي تراوى لك تراهن عمــارات
وموضوعك اللي جبت كله غرابه = والظاهر انه سابع المستحيلات
واخاف لاتـنبح عليك الكلابه = ثم هات نسلم من مخاليبها هـــات
يابوك ماعمري دخلت النيابه = ومن العمر مابقى كثر مافــات
وان كان تبغي الرأي قبل يغدا به = من واحد جرب جميع الحيلات
خل الخطب للي يعرف الخطابه = نهارنا شمس وفي الليل لمـبات
ردياتهم طريفة وجميلة .. الله يرحم ميتهم .. ويعافي حيهم .،
دمتم سالمين .،