[ميرانده]

ـألبــاررت الثآلـــث ....

كان ياسر ومحمد جالسين على البحر بعد ما طلعوا من الشركه....

محمد: تصدق عاد احسن مافي الدمام بحرها تحس وانت جالس هنا جو ثاني صح او انا غلطان .....

ياسر: ايه والله وانت الصادق احسن مافي الدمام بحرها وهالجلسه الحلوه...

في هاللحظه دق جوال محمد...

محمد:اكيد احد حاس بإني جالس في هالمكان الشاعري .....


ياسر: طيب رد الله يخلف عليك...


كان اللي متصل على محمد اخته مشاعل...



محمد: اهليين وسهلين بأحلى واجمل اخت في الدنيا...


مشاعل بدلع:لاعاااااااااااد تقطعت تعال من الدمام خيطني ماعاد ادري وين راسي من كرياسي...


محمد:افااا توني ادري ان اختي تستحي لهدرجه....


مشاعل بدلع: ليش يعني وش على بالك عربجيه انا او مسترجله ولا ايش؟؟؟

محمد: شفتي ما امداني قايل كلمه الا وهبيتي فيني اعصابك شوي علي .....

مشاعل: ها وشلون الدمام معك؟؟؟؟

محمد:بخير والله الحمدالله انتي وشلونك؟؟؟

مشاعل: لوني اممممممممممم ازرق هلاليه وافتخر الا ماريت عن اخر الاخبار؟؟؟

محمد:علميني وشو؟؟؟


مشاعل ماراح اقولك الا اذا جيت الرياض عندنا علمتك هاهاها....


محمد: سخيفه اقول بس تقلعي خربتي علي الجو الحلو انا ويسور...


مشاعل بدلع: اقو انطق ها جزاي داقه اسئل عنك يله مع السلامه خسرتني رصيد على الفاضي...


محمد:افاا كبريت وانا ما ادري لاو بخيله بنفس الوقت ميت عليك انا يله مع السلامه...

مشاعل: يابعد قلبي يا انا كل الدنيا قالبه علي ....

محمد:يله بااااي يا احلى ميشو....

مشاعل: هههههههههههه على بالك راضيتني كذا اوكي انا موافقه بس خلك تجي تشوف وش بيصير فيك بااااااااااي...


محمد:باااااااااااااااي


الساعه 8العشاء...


مشاعل جالسه ترتب شنطتها عشان تروح تسكن عند عبدالرحمن وفي هالحظه....


فيصل كان توه جاي واهو سكران لحد الثماله وكان يتمايل في مشيته : هيه انتي وش جالسه تسوين هاااااه....


مشاعل في نفسها (بسم الله علي الرحمن الرحيم): اضف اغراضي بروح عند اخوي عبدالرحمن عندك مانع...
فيصل:واللي يقولك مافي روحه وش بتسوين ها علميني؟؟؟

مشاعل:واهو على كيفك ودق جوالها

( اخي الحبيب ... يتصل بك) شف انا طالعه الحين ومالك دخل فيني...

طلعت مشاعل وردت على عبدالرحمن...

مشاعل:هلا والله ..

عبدالرحمن:هلا وغلا شوفي مشاعل انا عند الاشارة وقريب بوصل تجهزي...

مشاعل: اوكي يله باااي

عبدالرحمن: بااااي

انفتح باب البيت فجأه وطلع منه فيصل


فيصل: اذا قلت لك مافي روحه وش تسوين ؟؟؟

مشاعل: موب على كيفك بروح يعني بروح...

فيصل مسكها من شعرها: مافي روحه تفهمين او لا
مشاعل: اترك شعري يالحقير اتركه وين حنا فيه وبأروح يعني بأروح ما بقى الا انت فاهم...


في هاللحظه وصل عبدالرحمن وشاف فيصل واهو ماسك مشاعل من شعرها ويحاول يدلها للبيت واهي تزعق عليه
نزل بسرعه وراح لفيصل ...


عبدالرحمن بصوت عالي: فيصل اتركها..

فيصل: ماراح اتركها وش بتسوي يعني...


عبدالرحمن قرب من فيصل وعطاه كف عشان يصحيه من اللي اهو فيه وبعد يده عن مشاعل وخذ شنطتها وودها للسياره وركبها معه...

فيصل: هين تشوف انت واختك انا وراكم والزمن طويل ...

عبدالرحمن ما كلمه ومشى بالسياره


مشاعل واهي تصيح: عبدالرحمن ليــــــش اخوي فيصل كذا من يوم ماتوفوا امي وابوي وين فيصل الي يدافع عني اذا ضربني احد من عيال عماني اوخوالي وينه؟!!

عبدالرحمن: اذكري الله يامشاعل هذا كله بسبب اصدقاء السوء اللي خربوه علينا ما اقول الا الله يهديه ...

لما وصلوا للبيت:....

عبدالرحمن لمشاعل: حاولي قد ما تقدرين ما تبيني لاسماء شئ...

مشاعل: ان شاء الله احاول...

دخلو البيت...

عبدالرحمن واهو ينادي: اسماء ..اسماء

اسماء كانت تبخر الصاله: سم انا في الصالة..

عبدالرحمن لمشاعل: روحي لصاله لاني بأروح الحين عندي شغله بسويها وارجع...

مشاعل: اوكي..

دخلت مشاعل للصاله...

مشاعل: هااااااااااااي



اسماء:واو أخيرا جيتي يوووووه تدرين اني اشتقت لك بشكل فظيع...

مشاعل:تصدقين عاد اني ما اشتقت لك ابدا الا قولي ماأهتميت...

اسماء: طيحة وجه الله يأخذ عدوك اطلعي بررره انتي وخشتك هذا جزاي مستقبلك بالبخور احمدي ربك بس...

مشاعل: هههههههههههه تصدقين عاد شفتي شوقك لي انا اكثر منك بأضعاف اضعافه ....

اسماء: الله يسلمك استحيت ...

مشاعل: الله ريحه حلوه طالعه من المطبخ اعترفي وش مسويه...

اسماء: على العشاء بتشوفين وش مسويه وألحين ممكن اطلعك لغرفتك عشان تشوفينها...

مشاعل: اوكي يله....


طلعوا للدور الثاني كان مكون من 5 غرف وكل غرفه موجود فيها حمامها ومطبخ صغير للاشياء البسيطه
كانت غرفة مشاعل على يسار غرفة اسماء وعبدالرحمن وعلى يمين الغرفه صاله للي يبغى يسهر اوشئ وقبال غرفة مشاعل غرفة ياسر وكان المطبخ تصميم امريكي وكانوا حاطينه للاكلات البسيطه وثلاجه موجوده فيها شوكلاته وعصائر واغراض الكوفي يعني بالمختصر المفيد مطبخ للأشياء البسيطه وكانت موجوده غرفه لعبدالرحمن موجودة
فيها اغراضه

اسماء واهي واقفه عند غرفه مشاعل: تفضلي ياست الحسن والدلال ...

مشاعل: مشكوره زاد فضلك...

طبعا قبل لا تشوف مشاعل غرفتها سوت لها اسماء تعريف
للغرف عشان ما تغلط وتدخل أي غرفه بالغلط ...

مشاعل: ياااي روعه ( وراحت تركض لاأسماء وحضنتها)الله وش هالذوق الخياااال بصراحه روعه...

كانت الارضيه سراميك والغرفه عباره عن لونين الموف والاصفر كان الون الموف مموزوج بالون الزهري اول ماتدخل الغرفه يكون على اليمين طاولة وكنبتين صغار وطاوله كان لونها موف والكنب اصفر وكان موجود على الطاوله شموع على الشكل شكل قلب عددها ثلاثه لونها
اصفر وتحفه كبيره لونها اصفر وموف وعلى اليسار نفس التحفه وبلكونه كبيرة مغطاة بستارها لونها اصفر وموف وعلى جنبي البلكونه لوحه من اليمين ولوحه من اليسارروعه وكان موجود درجه وحده اذا صعدتي عليها سرير كبير في الوسط لونه موف والمفرش اصفر وعلى يمين السرير وشماله طاولتين صغار وعلى كل طاوله ابجوره وشموع نفس اللي قبل وبعدين كمودينه كبيره روعه لونها اصفر وعلى اليمين سرير وعلى اليسار دولاب وكانت الغرفه روعه بمعنى الكلمه...

اسماء: اذا ما سوينا لمشاعل غرفه تناسبها لمين نسوي؟!!

مشاعل بدلع: اقول بلا هبال خلاص بين تقطعيني اكثر من ما انا متقطعه...

اسماء: عاااادي حلالي ولا انا غلطانه ؟!!

مشاعل:اييه اكيد بس لمده بسيطه الى ما اتزوج ثم خلاص عاد موب حلالك...


اسماء:اوف البنت واصل تفكيرها بعيد ليه؟!! من سعيد الحظ اللي بيأخذك اوه سوري اقصد تعيس الحظ


مشاعل: الله واعلم لكن اهو اكيد بيكون سعيد حظ...

اسماء : ياشين الثقه الزياده عن الزوم خلاص ياقلبي خذي راحتك انا الحين بقول للخدامه تطلع اغراضك وترتبها البيت بيتك...

مشاعل: الله يسلمك..

نزلت اسماء واهي نازله الدرج...

((بوووووووو))

اسماء بصراخ: وااااااااااااااااااااااا ييييييييييمه وقامت تنطنط كأنها مهبوله..

عبدالرحمن:هههههههههه اعصابك لا تطيحين ....

اسماء: الله يأخذ بليسك قل امين طيحت قلبي...

عبدالرحمن: بسم الله عليك...

اسماء: انا وش كنت ابغى ايه صح ميري ..

ميري: نعم مدام..

اسماء: روحي جيبي شنطة مشاعل وطلعيها لغرفتها الحين..

ميري: اوكي مدام..


عبدالعزيز: الوليد...



الوليد:نعم يارجلي وش تبي؟؟!!

عبدالعزيز:تراااي تعبت خلص الاكل او لا؟؟

الوليد: ألحين باوديه غسل يديك...

عبدالعزيز: يله بسم الله..

جلس الوليد وعبدالعزيز على الطاوله..

عبدالعزيز: متأكد انك ما جطيت شئ بالغلط في الاكل؟!!

الوليد بخوف: ليـــــــــش وش فيه الاكل؟؟!!

عبدالعزيز: لا بس الا حتياط واجب..

الوليد: لا كل موب صاير لك الا كل خير ... وقبل لا تأكل كلم سيارة الاسعاف...

عبدالعزيز كل لقمه ومد البوز شبرين

عبدالعزيز: الله يأخذ عدوك وش حاط بألاكل ؟؟

الوليد: ليش وش فيه؟؟؟

عبدالعزيز:ذوقه الله يعافيك...

الوليد وكل لقمه ...

الوليد: يووووووووووه

عبدالعزيز:وش فيك؟؟

الوليد: حطيت بدال الملح سكر الله يخلف علي طلعت كبسه حاليه...

عبدالعزيز: الله يأخذ عدوك اخر مره تدخل المطبخ فاه حست المطبخ وكل شئ وما طلعت بشئ صالح الله يخلف عليك..