صـــبــاح / مـــســـاء الـــخـــيـــر
أهدي لـ قلوبكم الطاهره . . باقة ورود
وإليكم هذه الدره الغاليه وأتمنى أن تقبلوها كما هي
وأتمنى ان ترتقي إلى ذائقتكم المترفه
،،،
،،
،
تعبت أكتبك يـاشعـر ٍ كسرنـي وإنجبـر قافه
تعبـت أكتـم خفايـا هالسنيـن وتفضـح الخـافـي
يا عالم ،،، ضاع لي قلب ٍ دخيل الله من شافـه ؟؟
تركتـه فـي معاصيـر الزمـان وخابـره حـافـي !!
لعب فيه الدهـر ليـن الدهـر مـن طيبتـه ،، عافـه
أصونه ،، زي ماصنت الحشيمه مـن شَغـب .. قافـي
قلـب ٍ صـادق ٍ مخلـص عفيـف ٍ ،، تنـدر أوصافـه
صرَخ من جور هالدنيا ،،،/ تعبت أكون أنا الوافي /
تعب منهو يلومه لـو تعـب ،، وإنطمسـت أطيافـه
إذا صار البخت أعمى ،،، على جـال القـدر غافـي
زمـان ٍ ،، صـادق النيـه يعيـش بدنيتـه آفــه
زمان ٍ ،، عز ّ منهو لو تشوفه قلـت : يـاكافـي
وقلبي مـن عرفتـه بالهـوى ،، مكسـور مجدافـه
وشافه ،،، من غرَف نبع الخفـوق وغيّـر أوصافـي
غرَف قلبـي وأنـا أردّد < حـلاة البيـر غرّافـه >
شربني حب ّ ،،، وعينـي غارقـه فـي نبعـه الدافـي
ظلمني طبعه الرجعي ،،، ظلمنـي وضيّـع إنصافـه
كثر ماكنت مخلص له ،،، كثر ما كـان لـي جافـي
كثر ما كنت أغني له ،،، ( تعبـت الظلـم وإجحافـه )
كثر ما كان شاغلني ،،، كرَم هالقلـب ،،، وإسرافـي
رميت الروح بدروبـه ،، مـع إن ّ الـروح خوّافـه
تغلغـل حبـه بدمّـي وطـوّع لجلـه أطرافـي
رسمتـه بيـن طيّـات السحـاب ،، وذاك مشـرافـه
رفعتـه بيـن لمعـات النجـوم ،، وذاك ميقـافـي
وجاني يطلب الفرقا ،،، كذا بـس ّ بسبـب تافـه ْ
( رحمـك الله ) يـا قلـب ٍ وفــاه مثـقّـل أكتـافـي
يا عالم ،، ضاع لي قلب ٍ كــبــيـــر وتنـدر أوصافـه
صرَخ من جور هالدنيا ،،، (( تعبت أكون أنـا الوافـي ))
،
،،
،،،
دمتم بحفظ الله ورعايته