[عزوف]

لا سالت الدمعه على خـد رجـال "
" ما اقول عادي بس ما هي غريبـه
طال انما به حـب والحـب قتـال "
" لجله تهون دموع وتصغر مصيبـه
والحـب باقـي بالمخاليـق لا زال "
" اصغار وكبـار وعجايـز وشيبـه
وانا بعد دمعي على الخـد همـال "
" والدمع لولا حاجته ويـش ابيبـه
في ساعة لا عل مـا فيـه عـذال "
" مالي جدا غير الدمـوع السكيبـه
يوم الفراق اللي به الدمـع شـلال "
" ما كن لي عـزه وقيمـه وهيبـه
بس اتطلع فوق ويميـن وشمـال "
" واللي بقى من دمع عينـي اجيبـه
يوم انها قالت بلا حـب ووصـال "
" كلن يروح وروحته هـي نصيبـه
راحت ملامح وجهي الوان واشكال "
" وقلبي ينـادي الـف لا يالحبيبـه
واصبحت في حال بعد كنت في حال "
" وطلعت كلمة ابشـري بالغصيبـه
ومن حب بنت اجناب يشعر بالاذلال "
" ماله نصيب الا الجـروح العطيبـه
ان طاب له ولا فلا اكـون رجـال "
" ان كان قدم الناس ما شـق جيبـه
اما حصل له ما حصل له من اهبال "
" ولا حصلـه بالزمـن مـا يعيبـه
هذا الذي يسمع ويـروى وينقـال "
" وهذا الذي فـرق حبيـب وحبيـه