[احمد العصيمي]

بهالوقت في بيت الاسير
تحرير تطق باب غرفة نواف
نواف: ادخل
تحرير فتحت الباب ودخلت
قالت تحرير: نواف ابي قلم اسود
قاللها نواف بنفسيه خايسه : اخذيه فوق التلفزيون
قالت تحرير: نواف في موضوع ما قدرت ااجله البارح انا (وتغني) تبغى الصدق اكذب عليك هذا عذر عشان اجيك كل الحكايه اشتقتلك
نواف صد عنها
تفاجئت من ردة فعله وطلعت من الغرفه ولكن قبل ما تطلع
قال نواف: مسموووووووح يللي تعذر
قالت تحرير: خرعتني حسبالي صج زعلان مني
قال نواف : (بالمصري)هوا انا اقدر فيه احد عنده اخت مثلج ويزعل منها
قالت تحرير: احم احم ايه هذا نواف اللي اعرفه زين بسالك شرايك بصوت اختك
قال نواف: بصراحه وانتي تعرفين اخوج ما يقول غير الصراحه صوتج ذكرني بصوت نوال
قالت تحرير: من صجك
قال نواف: ايه تذكرين صوت نوال في اغنية ايام حبك
قالت تحرير: ايه اكيد اعرفها
قال نواف: انتي نفس صوت نوال في اغنيه يوه يا يوه
قالت تحرير: يا ملغك بس شسوي اخوي الكبير وما اقدر ازعلك زين تبي شي
قال نواف: ابي سلامتج مع سلطه وابي اقص لسانج
قالت تحرير: انا بطلع لاعت جبدي من ملاغتك
في بيت البدون
امل: ايه كملي كملي شصار
اماني: بس جان اطلع من غرفتها ماني عارفه على شنو مغروره
قالت ساره: اماني حبيبتي انا بسئلج سؤال منو اكبر انتي ولا هي
اماني لفت وجهها عن ساره
امل: اماني جاوبي على سؤالي
اماني: بسم الله علي اكيد هي الاكبر
امل: خلاص دام انها الاكبر عشان خاطري روحي راضيها
اماني: اسفه والله نجوم السما اقرب لها مو ناقص الا اراضيها
امل: شدعوه يعني بيوم من الايام بتقولين عني جذيه لاني اختج وهي اختج
قالت اماني: شجاب لجاب انتي احبج واموت عليج بس هي ويييييع كريهه ومغروره يا رب تتزوج وتطلع ونفتك منها ونقعد انا وياج بالبيت بروحنا
قالت امل وعيونها غرقانه بالدموع: ايه وانا بتم بهالبيت طول العمر اقوللج ليش لاني عانس وبتم عانس
قالت اماني : امل امل
طلعت امل من الغرفه
بهالحزه في بيت الاسير
الام تبجي لانها حيل خايفه من الافكار اللي براسها
تخيلت انها بدار العجزه وعيال قطوها وتعبها عليهم ضاع
في بيت البدون
كانت اماني تتكلم بالتليفون بالصاله
دخلت احلام
واحلام لما شافت اماني تتكلم بالتليفون قامت وطولت على التلفزيون اخر حد
اماني انزعجت وطفت التلفزيون وردت مره ثانيه تتكلم بالتليفون جنه ما صار شي
قالت احلام: هيه هيه ما تشوفيني اطالع التلفزيون
اماني اشرت لها بايدها بدون مبالاه
قامت احلام وخذت فيشه التليفون وركضت غرفتها
لحقتها اماني
احلام تركض................... واماني وراها
وبسرررررررعه احلام سكرت الباب بوجه اماني
اماني ماتت من الحره وحست انها مقهوره
رفست اماني الباب وقالت: انا اعلمج ولو فيج خير ابوي ما سماج احلام الله يلعنج انتي وسميتح
بنفس هالوقت في بيت الاسير ...
طلال رايح غرفة نواف شاف تحرير توها طالعه من غرفة نواف
قال طلال : تحرير تحرير
تحرير حقرته
قال طلال: تحرير وقفي انا اكلمج ماني ياهل عندج
قالت تحرير: لا انت مو ياهل (تاشر على نفسها) انا الياهل
قال طلال: تعالي بكلمج
قالت تحرير(باستخفاف): لا شلون تكلم يهال توك قلت ما تبي تكلمني الا لما تحس اني كبرت وانا بصراحه للحين ياهل وامي قالتلي لا تسولفين مع الكبار
قال طلال: انتي سمعيني بعدين كيفج
قالت تحرير: زين
ودخلوا غرفة نواف
قال نواف: يه يه يه يه من قدي دلوعتنا وكاتبنا ياييني هذا اعتبره يوم عالمي
قال طلال: نواف هذا مو وقت غشمره انا بقوللكم
قاطعته تحرير: والله لو ادري ان السالفه عن قصصك جان ما ييت وتعبت نفسي بس لاعت جبدي منك ومن قصصك انا طالعه
قال طلال: قبل لا تطلعين احب اقول ان انا ما انطر رايج بقصصي لان كاتبه كبيره مدحتني وقالتلي كمل هالمشوار
وثانيا انا ما ابي اقوللكم قصص ولا غيره
قال نواف: تفضل قول بس ياليت تختصر
قال طلال: امنا قامت من الاكل زعلانه بسبتكم
قال نواف: مو بسبتي بسبة حليمه صليبيه (ويطالع تحرير)
قالت تحرير: ضحكتني وانا مالي خلق اضحك حبيبي امي قامت بستك يا جاك المحاميد
قال نواف: عدال انتي شايفه
قاطعه طلال: بس بس صج انتي بتمون يهال تخلف الحمد الله والشكر اللي انا اقصده نروح كلنا ونراضي امنا
قالت تحرير: يا الله مع اني مو الغلطانه
قال نواف: اوكيه مع اني مو الغلطان والغلطانه تعرف نفسها
بنفس الوقت في بيت البدون
تحرير تسمع اغنيه الين اليوم
:الين اليوم وانا عندي امل فيهم ولا مر يوم الا في تحريهم
ولو طال انتظاري سنين وسنين وسنين اكيد بيوم الاقيهم
الين اليوم وانا اتخيل لقانا كيف
الين اليوم ادور وش بقول وكيف
ولا ادري ابتدي من وين من وين
ولا ادري عمري يكفيهم الين اليوم
وبجت بجي يعور القلب
(((مراهقه )))
كمراهقه اضع صورتك امامي وانصت الى اغنيه حزينه
اشتاقلك فابكي لكن الفرق بيني وبين المراهقه
انها ستكبر وتسهو عنك وساكبر واموت بك
الكاتبه شهرزاد

بهالوقت في بيت الاسير
بغرفة الام بشاير
قالت بشاير: تو الناس جان نطرتوا بعد سنه وتيون تشوفون شفيني
قالت تحرير: حرام عليج يما انتي الكل بالكل احنا ما نقدر نزعلج
قال نواف: يما الكلام هذا ينقال حق طلال وتحرير بس انا لا حرام عليج يما انا لما دريت انج قمتي من الاكل تضايقت حيل ورحت واصريت على طلال وتحرير وقلتلهم لازم نراضي امنا
طلال يطالع نواف بنظره كلها غضب
وحس ان الدنيا دارت فيه
معقوله اخوه الوحيد يجذب ويظلمه
هذا وهو موجود لو ما كان موجود شبيسوي
طلال طلع من الغرفه
قالت بشاير: نواف طلال شفيه
قال نواف باندهاش: ها يما طلال انا
قالت تحرير: لا يما انا اقوللج طلال هو اللي اقترح علينا نيي عندج ونراضيج ونواف جذب عليج وقال انه هو اللي اقترح علينا
قالت بشاير: وانت ما تيوز من الجذب ليش تسوي جذيه يا نواف ليش
قال نواف: يما انا ابيج ترضين علي و
قاطعته بشاير: نواف حبيبي ارضى عليك لما تحافظ على صلاتك ودراستك مو بالجذب نواف حبل الجذب قصير
بهالوقت في بيت البدون
ساره كتبت خاطره عن حبيب القلب ومتعب القلب وفرحتها وشقاها
واملها ويئسها وجنتها ونارها ........ حبيبها

كنت بحياتي الهوا وكنت لهمومي الدوا كنت كل شي
كنت القمر اللي ينور علي لياليي
وكنت الفجر ....... كنت احب السهر معاك
كنت الحلم والواقع كنت كل شي
وفجاه رحت ............
وراحت معاك حياتي وزادت فبعدك همومي
واختفى بغيابك القمر
صار السهر يعنيلي قمة الضجر
احبك واحبك ومليار مره احبك
يا كل شي
كنت كل شي
وبتيقى كل شي
وبموت وانت كل شي
كل شي ......................
بهالوقت في بيت الاسير
نواف يطق باب غرفة طلال
نواف: طلال طلال رد علي زين اسمعني طلال طلال(ويطق الباب حيل بايده و ويدق على تليفونه بس طلال حاقره)
نواف احتار شلون يوضح موقفه لطلال فكر انه يرسل لطلال مسج
وصل المسج لطلال وقرا
(((طلال صدقني انك فاهم الموضوع غلط انت عطني فرصه وصدقني ما راح تندم )))
دق نواف على طلال
(الجهاز مغلق او خارج منطقة التغطيه يرجى الاتصال في وقت لاحق )
حس نواف انه طلال ما منه امل وراح غرفته
بهالوقت في بيت البدون
الساعه 1 الفجر
رجعت انوار البيت
كان عماد ينطرها
قال عماد: انتي ما عندج عيال 24 ساعه هايته
سكتت انوار
قال عماد: ما عندج رجال تشوفين مطالبه
مشت انوار وعطته ظهرها وضحكت بصوت عالي . .................
يتبع الخميس القادم............................................ ................................