الســلام عليـــكم ورحمة الله وبركـاته
يسعــــد صباحــكم
اســتـلمـوا :
لاتحتس يازايد ترى ماني ماني بزعـلان=ولايزعلك ماصار فـي شاطـي الراحـه
مدام الروابع طيّبه والحصـان احصـان = ليا من تعثر شال عمـره مـن الطاحـه
نسفنا العلوم اخلاف ماكـن شـيٍ كـان = وقدنا الركايب واخلت العـد وامراحـه
تقدمت والموقـف يبـي مثلـي بليهـان=ليا كبـرت القالـه مايومـي بمسباحـه
لو ان الفشق توّي وخلفي وانا النيشـان = نطحت الجموع وغلقة الصدر منساحـه
شموخي وانا فالح ولد مكـرم الضيفـان = علي والله انه اغلى من البنك وارباحـه
ماضريت نفسي للمهونـه ولا الحقـران=اعزومي عصاميّه ولي نفـس جمّاحـه
ماجينا نمسّح جوخ وانراضي الشيخـان =مطاليـق واعـزوم المطاليـق شوّاحـه
ولايشغـل العقّـال ماقالـو الخـبـلان = تسيـر القوافـل والنوابـيـح نبّـاحـه
يكفيني ان عقلي من الثقـل شانـه شـان=ماني بهلوانٍ يـوذي الخلـق بصياحـه
مدام ان ماء وجهي حميته ونجمـي بـان=فلاهمنـي قفـلٍ مـايـدري بمفتـاحـه
تشوم الحرار وتكسر الحـوم فالجنحـان=ولا عـاد يغريهـا الملـوّح بملـواحـه
عزيزين لو مانملك اللـول والمرجـان =الانظـار عليـا والطواريـق صدّاحـه
اغوص البحر واجيب من غالية الأثمان= الأفكـار غبّـه والهواجيـس سبّـاحـه
اصب المثل صب الذهب واحكم الاوزان=واداري عليها مـن قلـم ناقـد الساحـه
ولاهو بحـقٍ تحجـب النـور ياغسّـان =عشـان العلاقـه بيننـا شبـه فوّاحـه
نقدت القصيده نقد ماهو علـى برهـان = ومديت لي كفٍ من البغـض مجتاحـه
على شانني غنيت فـي قبلـة الأوطـان=وكشفت الحقايق بين مزحـه ورزاحـه
صحيح ان عين البغض ماتعرف الصفطان=وعين الرضا تغني من الاش واشفاحـه
يانفدا القروم اللي لهـم موقـفٍ بطـران=مساء ليلـةٍ فيهـا الموازيـن رجّاحـه
اهل وقفةٍ يطلق بها الخاطـر العمسـان =تزاحـم عزاويهـم والافعـال سفّاحـه
تقول ان فيهم من سريع الحمايـا جـان =على الشات يدوي فعلهـم دوي قدّاحـه
مواريث قـومٍ فاللقـا تنطـح الفرسـان=مقابيس حربٍ تلطـم الشـره برماحـه
بني هاجرٍ لاضاق صدر الحليـم وشـان=لاعاجت علـى دق المقاهيـر طيّاحـه
يروون حدٍ يفصل الروس من الامتـان = الين العدو يبطي وهـو ينقـل اجراحـه
رواسي عبيده والنسب روس من قحطان=ماحن لحقـةٍ تكتـب وتمسـح بمسّاحـه
وعسى الله يبيض وجه من مدوّ الايمـان=ولاقصرو وابـروق الاجـواد لوّاحـه
من احلافنا واصحابنا والكريـم امعـان =لهم ترفع البيضا علـى هضبـة الباحـه
لكن جعلها خيره فمـا اختـاره الرحمـن= تطيب الجروح وعرضة ابليس منزاحـه
معا خالص التقدير والشكـر والعرفـان =ياهل فزعةٍ يشهد لها شاطـي الراحـه
فــــــالـح بن قشعــــــم
تــقـبلواا تـــــــــحياتـي