[@بنت الشيوخ@]

المشاركة الأصلية كتبت بواسطة وردة المنتدى

مســـاء الخيـــر,,

ما كل ضحكة تهز القلب يشبعها= وما كل دمعة تمر العين تبكيها


من شاف ضحكة زماني قال "بايعها" = ما يدري إني فقير ما قدر اشريها


يا اللي نثرتي سنين كنت أجمّعها= تكفين هذي حصاد العمر لمّيها


كم كنت أهدّد بك الدنيا وألوّعها = كل ما اذكرتني..واذكّرها وانسّيها


بيدينك اللي أحس وكن أصابعها=تقول: " بدري على الضيقة و طاريها"


بعيونك اللي أناديها وأنا معها=الله ياكم زعلتي يوم أناديها


كنتي تحسبيني اسرح عن مدامعها != وأنا ما غير أتهجى.. رحلتي فيها !


أي والله اذكر عيونك يوم أطالعها= اقرا بها أنشودة كنّا نغنيها


كانت تروح وتهجّ البال واتبعها= تاخذ عيوني من الحزن وتودّيها


لأيام كنت أرمي بدنياي واجدعها=أيام ما كنت أكحّلها .. ولا أعميها


طفل سلاحه دموعه يوم يزرعها= من فوق خدّه وكفّ ابوه يرضيها


اكبر همومه من دروس يراجعها=واقصى طموحه متى ينجح ويرميها !


طفل وكل امنياته كان مطمعها = يكبر وتكبر هنوف كان يرجيها !


كبرت.. ولا كبرت..وضعت.. وخفت أضيّعها= خليت همي رضاها يوم اداريها


كل ما طعنّي زماني رحت أدلعها=يوم الزمن ما ترك لي غير أياديها


ما كنت أفكر تجي في يوم وأسمعها= تقلب حياتي من اعلاها لواطيها


حتى اقبلت تبكي الدمعة وتردعها != ثم قالت .. وكن موتي بين أشافيها:


" جيتك أحلّف عيونك قبل أودّعها= ما أشوف دمعة عتبها لين أخليها"


تبغى تروح وتخليني واطاوعها != تبغاني اسكت واقول :" الله يهديها"


يا أول أحلام روح كان دافعها=انك سندها وحاضرها وماضيها


يا سنيني اللي قضيت العمر اجمّعها= يا ذكرياتي من أولها لتاليها


لا تتركيني أعيش العمر بايعها != ضحكة زماني بدونك ما اقدر أشريها !

الشاعر/فهـــد المســاعد..

تقبلوا أطيب تحية..

القصيده رووووووووعه من اولها لاتاليها...

صح لسااان المساعد وصح نقلش ياورده على الاختيار...

الله يعطيش العافيه..

@بنت الشيوخ@