السلام عليكم ورحمة الله وبركاته
بعد الغياب حبيت أختار لكم هذي القصيده للشاعر (علي بن ذروه البريدي)
اتمنى ان تنال على اعجابكم واتمنى له التوفيق في برنامج شاعر المليون
يومٍ كلاً يفخر بماضي الفعايل من زمان
ياكيف أحصر أمجادنا وأمجادنا من دون عد
والله لجر الصوت وأصهل وأذكر بهذى المكان
أفعالنا وألقابنا منا يلين ألفين جد
حنا الدويله يوم بعض الناس ماقربه ب أمان
يامن بنا الخايف ويسلى من همومه والنكد
اليا اعتلينا خيولنا بتشك كن فينا جنان
مايهمنا ياصاحبي وقت اللقى كثر العدد
في ذمتي كم شيخ قومٍ طاح من سرج الحصان
وكم شيخ قومٍ من سببنا مات ماعقب ولد
حنا دخيل وجيهنا يامن ليا جار الزمان
وحنا هل الفعل الصحيح ان عودت رمي الركد
وحنا قضاةٍ للعرب يوم الردي ماله لسان
وحنا معرفتنا قديمه عاد بقعا فالمهد
عدونا لاشاف صف خيولنا يصبح جبان
ويعدي الغاره بخيره لن ماعنده جهد
والضيف لامنه لفانا نحسبه راعي مكان
مايسمع ألا كلمة الترحيب أن قام أوقعد
من بعدها فنجالٍ أشقر خلط هيل وزعفران
والضيف لاشكر من الفنجال قلنا لابعد
من بعدها يقلط على حيلٍ فقايرها سمان
ونروف به ونخيره ياأما تعشى أو تغد
نكسب وداد ضيوفنا بالين والهرج الليان
والا الكرامه ويح ويحي والله مامنها مصد
من ضامته سود الليالي وفي ربعي استعان
في ذمتي قد يضحك حجاجه ويبشر بالسعد
بريديةٍ مانخضع ألا للأله المستعان
أقولها واللي رفع سبع السما بلا عمد
يوم أكثر العالم تشتت من بني عم وخوان
أرواحنا من فضل رب البيت في داخل جسد
ماقول غير الله يرحم من لهم صيتٍ وشان
وماقول غير الله يكافينا من عيون الحسد