السلام عليكم وحمة الله وبركاته=
قصيده اعجبتني وحبيت انقلها لكم=
جاير الوقت .. وش باقي .. مخذ منّا=ليته .. اليا خذا له شـيّ .. يعطينـا
لا تقولين .. يوم انّا .. و يوم انّـا=راحـت ايامنـا .. باحلـى ليالينـا
اعتمدنا .. علـى الله .. و توكّلنّـا=السفر .. حان وقته .. و استعدينـا
رحلةٍ بسمها .. طير السعد .. غنّـا=الله .. يردنـا منهـا .. لا اهالينـا
تونا .. فـي بدايتنـا .. و لا زلنّـا=نرسم احلامنـا .. و انعـدّ امانينـا
ابعدي .. عن لسانك .. سالفة كنّـا=خلّي .. الحاضر يسولف .. لماضينا
بالطموحات .. سهل انحقق .. املنّا=كان ربي .. عطانا عمر .. يمدينـا
اللقا .. اللي على شانه .. هذا حنّـا=نربط .. آمالنـا فيـه .. و يسلينـا
انقشي .. للقـا الكفيـن .. بالحنّـا=واكحلي .. عيني بعينك .. ليا جينـا
دافع الشوق .. يدفع همّنـا .. عنّـا=ويشرح .. ابعاد سر اعجابنا .. فينا
يروي .. امجاد تالينا .. عن اوّلنّـا=و ينسب .. المجد لاولنا .. و تالينا
حظنا .. اللي ليا جيناه .. قـام النّـا=ليته ايقوم .. في موعد .. تلاقينـا
ودّنا .. نستثيـر الحلـم .. يمكنّـا=لا ستثرنـاه .. للواقـع .. يودّينـا
يمكن .. اليا اقتنعنا فيه .. و آمنّـا=ترسي .. ابنا مراكبنا .. على المينا
للشاعر: رحيم الغنامي=