عسى ان تعجبكم
ولو أنها قديم حيل
قالت وهي عينها تملا فضى عيني=وشفيك وأحترت مدري كيف أجاوبها
ضاعت حروف الكلام وقامت سنيني=تعرض على شاشة الذكرى مصايبها
اقول ولا أدفن اسباب الشقى فيني=ماودي اجرح مشاعرها واعذبها
يارهبت الليل غطيها وغطيني=وأخفي عذاب السنين بعين صاحبها
حرام الأيام تشقيها وتشقيني=وأحلامنا طاري الفرقا يخربها
تسأل وانا عاجز التعبير من حيني=تاهت معاني حروفي في مواكبها
قلت اسمعي قالت اسكت لاتعنيني=قالت عيونك وبالك لا تكذبها
أنا رقيقة مشاعر لاتبكيني=عش بي خيال القصيده قبل تكتبها
قلت أجرحيني على كيفش وداويني=جرحش لنفسي ولافرقا تعذبها
الدكتور/مبارك شافي الهاجري