السلام عليكم ورحمة الله وبركاته
هذه القصيده من وجهة نظري اعتبرها من اروع القصائد العاطفيه
قصيده تحتاج الى وقفه والتفكير في معانيها الرااائعه
ربما تكون قديمه نوعا ً ماء ... لكنها لازالت الاروع
اترككم مع الجزالة والعذوبه في هيئتها الحقيقيه
..
فمان الله يأول من سكن بين الضلوع العوج = عسى دربك سفير وياعسى الله مايخليني
توكل .. لاتوادع رح عسى درب الجفا المسهوج = يصادف درب فرقا عقبها ماتلمحك عيني
سمحت من الهوى ، ومن القصيد ، ومن زراق الموج = ورميت اغلى مجاديف الغرام وجيت بيديني
ابغرق في عذابك لارحلت ويصبح المنتوج ..؟ = قصيد في حياتي سلوتي وان مت يرثيني
واذا هبن بنات الريح للذكرى بدون سروج = أبسرج (مهرة النسيان) وابرحل من عناويني
وابنسى لين اسج وبرسل الونات فوج .. وفوج = وبنسى دمع عيني ينتثر ، وانساك من حيني
صبور..!؟ إي والله اني ماثنيت العزم , قبل ادوج = بريضان الجفاء ورمال وصلك لين تسقيني
شجاع..!؟ إي والله اني ماعرفت الذل , قبل اسوج = قدم رجلي على درب لبيت اهلك يوديني
كريم..!؟ إي والله اني ماعرفت الشح , قبل تروج = دموعي في عيوني ثم اشح بحسرتي فيني
أحبك حسبي الله ليت مالك في سماي بروج = ولالك في البسيطه كود شيء بيني وبينك
فمان الله وسق ركبك على درب السنين العوج = ولكن طالبك .. لاقفيت عني لاتخليني
..
الشاعر / ضيدان بن قضعان
أخوكم